Túrkistan oblysynyń Keles aýdanynda 16 kóshe jóndelmek
TÚRKІSTAN. QazAqparat – Túrkistan oblysy Keles aýdanynda 16 kóshege jóndeý júrgizý josparlanyp otyr. Bul jumystar «Aýyl el besigi» baǵdarlamasy aıasynda atqarylmaq, dep habarlaıdy QazAqparat tilshisi.
Aýdandyq jolaýshylar kóligi jáne avtomobıl joldary bóliminiń basshysy Sanjar Amangeldıevtyń aıtýynsha, ótken jyly atalǵan baǵdarlama aıasynda aýdan ortalyǵynyń 23 kóshesi jóndelgen. Aǵymdaǵy jyly Aqtóbe aýyldyq okrýginde 12, Abaı aýylynda 4 kóshe qalpyna keltirilmek.
«Aýdanda tek kóshe qurylysy emes, qosymsha abattandyrý jumystary júrgiziledi. ıAǵnı, oıyn alańshalary, aıaqjol, kósheni jaryqtandyrý jumystary da qatar júredi. Taǵy qosymsha aýdandyq bıýdjet esebinen 10 aýyldyq okrýgtegi 17 kósheni jóndeý qarastyrylyp otyr», - deıdi Sanjar Amangeldıev.
Bólim basshysynyń sózinshe, jol jóndeý boıynsha memlekettik satyp alý konkýrsynyń jeńimpazy anyqtalǵan. Atalǵan 16 kósheniń 15-in «QazaqStroyZhol» JShS mekemesi qaıta qalpyna keltirmek.
