Túrkistan oblysynyń keden beketterinde qaýipsizdik sharalary kúsheıtildi

TÚRKІSTAN. QazAqparat - Túrkistan oblysyndaǵy keden beketterinde qaýipsizdik sharalary kúsheıtildi, dep habarlaıdy QazAqparat óńirlik kommýnıkatsııalar qyzmetine silteme jasap.

Túrkistan oblysy boıynsha memlekettik kirister departamentine qarasty keden beketterinde álemdik deńgeıde koronavırýsqa baılanysty tótenshe jaǵdaıdyń jańa deńgeıiniń jarııalanýyna oraı qaýipsizdik sharalary kúsheıtildi.

2020 jyldyń 31 qańtarynan bastap barlyq qyzmetkerler qorǵanys maskalarymen qamtamasyz etildi, memlekettik shekara ótkizý beketterinde sanıtarlyq baqylaý kúsheıtildi.

Sonymen qatar, statsıonarlyq jylý túsirgishter úzdiksiz jumys isteıdi, qosymsha qurylǵylar da taratylady.

Memlekettik shekaradan ótken adamdar arasynda túsindirý jumystaryn kúsheıtý maqsatynda qyzmetkerlermen suhbat udaıy júrgizilýde.