Túrkistan oblysynyń Qazyǵurt aýdanynda 300-ge jýyq otbasy óz kásibin ashty
TÚRKІSTAN. QazAqparat – Túrkistan oblysynyń ákimi Ómirzaq Shókeev Qazyǵurt aýdany ákiminiń 2019 jyldyń qorytyndysy boıynsha atqarǵan jumystarynyń esebin tyńdady, dep habarlaıdy QazAqparat.
Aýdan basshysy Tólegen Telǵaraev ótken jyly qol jetkizilgen jetistiktermen bólisip, bıylǵy josparlardy atady. Aýdanda shaǵyn jáne orta bıznes boıynsha 32 joba iske asyrylyp, «Jas kásipker» jobasy nátıjesin kórsetken.
Eseptik kezdesýde málim etilgendeı, «Eńbek» memlekettik baǵdarlamasy aıasynda 268 tulǵa 921,5 mln teńgege nesıe alyp, óz kásipterin bastady. Aýdan boıynsha múmkindigi shekteýli 154 jan bir jylda turaqty jumyspen qamtylǵan. Qazyǵurt aýdanynda týrızmdi damytý qolǵa alynyp, týrıstik nysandardy jańǵyrtý jumystary júrgizilýde.
Basqarma basshylary aýdanda atqarylǵan jumystardyń birqatar kemshiligin ortaǵa saldy. Atap aıtar bolsaq, sala mamandary Qazyǵurt aýdanynda veterınarlyq ahýaldyń syn kótermeıtinin aıtyp, dabyl qaqty. Mamandardyń sózinshe, bul salanyń bıyldan bastap Aýyl sharýashylyǵy basqarmasynyń qaramaǵyna ótýine oraı, biraz aýdandardyń shıkiligi shyqty. Júzege aspaı turǵan memlekettik-jekeshelik áriptestik salasyna syn aıtylyp, mal sharýashylyǵy boıynsha oryndalmaǵan mindetter talqylandy.
