Túrkistan oblysynyń eki turǵynynan Qyzyl kitapqa engen qustar tárkilendi
NUR-SULTAN. QazAqparat - 2020 jylǵy 3 sáýirde «Ohotzooprom» ÓB» RMQK-nyń ınspektorlary Saıram aýdandyq polıtsııa bóliminiń qyzmetkerlerimen birlesken reıdtik shara barysynda Túrkistan oblysy Saıram aýdany Manket aýylynyń eki turǵynynyń úıinen Qyzyl kitapqa engen 2 búrkit, 1 úki tabylyp, tárkilendi, dep habarlaıdy QazAqparat tilshisi.
Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıtetiniń baspasóz qyzmetiniń hatshysy Sáken Dildahmettiń habarlaýynsha, qustar Shymkent qalasynyń zoologııalyq saıabaǵyna ýaqytsha ustaýǵa tapsyryldy.
«Atalmysh faktiler Saıram aýdany polıtsııa bóliminiń SDTBT-de QR Qylmystyq kodeksiniń 339-babymen tirkeldi» delingen habarlamada.
