Túrkistan oblysynyń eki turǵyny memleketke 7 mlrd teńge salyq tóleýden jaltarǵan
TÚRKІSTAN. QazAqparat – Bul faktini QR Qarjy mınıstrligi Qarjy monıtorıngi komıtetiniń Túrkistan oblysy boıynsha Ekonomıkalyq tergeý departamentiniń qyzmetkerleri anyqtady, dep habarlaıdy QazAqparat.
Atalǵan organnyń baspasóz qyzmetiniń málimetterine qaraǵanda, Túrkistan oblysynyń eki turǵyny 2017-2019 jyldary aralyǵynda «Favorıt Invest Stroı», «Azııa-Tech» jáne «Tańsholpan-Nur» JShS-in úshinshi tulǵalarǵa tirkeý arqyly qylmystyq quqyq buzýshylyqty uıymdastyrǵan. Sondaı-aó olar uıymǵa basshylyq ete otyryp, is júzinde jumystardy oryndamaı, qyzmet túrlerin kórsetpeı, taýarlardy tıep-jóneltpeı jalǵan shot-faktýra jazyp berý isine júzege asyrǵan.
Aıyptalýshylar kontragent satyp alýshylardan belgili bir mólsherde syıaqy alý arqyly uıymdarǵa salynatyn salyqty jáne bıýdjetke tólenetin basqa da mindetti tólemderdi tóleýden jaltarǵan. Zańsyz is-áreket nátıjesinde memleket bıýdjetine 7 mlrd teńgeden astam qarjy kóleminde zalal keltirildi.
«Azamattardyń qylmysy QR QK 28-babynyń 2, 3 jáne 5-b., 216-babynyń 3-b., 245-baby 3-b. sáıkes saralanyp, Jetisaı aýdandyq sotynyń úkimimen azamattardyń biri 5 jarym jylǵa, al ekinshisi 3 jylǵa sottaldy»,-delingen QR QM Qarjy monıtorıngi komıteti baspasóz qyzmetiniń habarlamasynda.
