Túrkistan oblysynyń dárigerleri indettiń ekinshi tolqynyna daıyn – Sáken Qalqamanov
NUR-SULTAN. QazAqparat – Túrkistan oblysynda dárihanalarda dári tapshylyǵy máselesi sheshildi. Bul týraly AntikorLive baǵdarlamasynda Túrkistan oblysy ákiminiń orynbasary Sáken Qalqamanov aıtty, dep habarlaıdy QazAqparat tilshisi.
«Túrkistan oblysyndaǵy dárigerler, aýrýhanalar koronavırýs indetiniń ekinshi tolqynyna daıyn. Buryn bizde test alynatyn 1 ǵana zerthana bolsa, qazirgi ýaqytta zerthana sany 14-ke jetti. Sondaı-aq, dárihanalarda dári tapshylyǵy máseleleri sheshildi. Aýrýhanalarda barlyq qorǵanys quraldary men medıtsınalyq buıymdar jetkilikti», - deıdi Sáken Qalqamanov.
