Túrkistan oblysynyń dárigerleri 5 naýqastyń búıregin almastyrdy
Túrkistan oblystyq klınıkalyq aýrýhanasynda 5 naýqasqa búırek transplantatsııasy jasaldy.
Alǵashqy ota mamyr aıynda jasalyp, sátti shyqqan bolatyn. Oǵan A.Syzǵanov atyndaǵy Ulttyq hırýrgııa ortalyǵynyń basshysy, professor B.Baımahanov qatysty. Sodan búgingi kúnge deıin bes naýqastyń búıregi almastyryldy. Transplantatsııalanǵan naýqastar jazylyp, qalypty ómirlerin jalǵastyryp jatyr. Qazir baqylaýda jatqan eki naýqas bar, olar da jaqyn arada úıine qaıtady.
«Sońǵy kezde elimizdiń medıtsına salasynda qol jetkizgen jetistikter az emes. Aldyńǵy qatarly ozyq tehnologııalardyń arqasynda júrek, búırek almastyrý otalary sátti júzege asyrylyp jatyr. Aǵza aýystyrýdy qajet etetin naýqastardy odan ári irikteý jumystary júrgizilýde» - dedi oblystyq klınıkalyq aýrýhananyń bas dárigeri J.Dildabekov.
