Túrkistan oblysynyń tsırk ónerpazdary halyqaralyq baıqaýda top jardy
TÚRKІSTAN OBLYSY. QazAqparat - Túrkistan oblysynyń tsırk ónerpazdary halyqaralyq baıqaýda top jardy. Astana qalasynda ótken dástúrli «Azııa jańǵyryǵy» Halyqaralyq festıvalinde "Ońtústik-Tsırk" mekemesiniń "Eksklıýzıv" toby altyn medaldi enshiledi, dep habarlaıdy QazAqparat tilshisi.
Astananyń týǵan kúnine oraı jyl saıyn elordada ótetin festıvalde bıyl Qazaqstan, Qyrǵyzstan, Ózbekstan, Túrkmenstan, Vetnam, Reseı, Belarýs, Frantsııa, Kanada, Nıkaragýa, Efıopııa jáne Vengrııa syndy 13 memlekettiń 60-tan asa tsırk qyzmetkerleri bas qosty. Onda "Ońtústik-Tsırk" mekemesiniń ártisteri kúrdeli trıýkterden turatyn "Ólim dońǵalaǵy" nómirimen kópshilikti tań qaldyrdy. Osylaısha túrkistandyq jigitter bas júldege laıyq dep tanylyp, jeńimpaz atandy. Al, ekinshi oryn - Belarýs eliniń mádenıet maıtalmandaryna buıyrsa, úshinshi oryndy - Qazaq Memlekettik tsırkiniń ártisteri ıemdendi.
Festıval sońynda qurmetti qonaq retinde shaqyrylǵan Vengrııanyń tanymal pil úıretýshisi Rıchard Takas pen Ýkraına shoý-baǵdarlamalarynyń jetekshisi Vıktorııa Grıtsenko óner kórsetti.
