Túrkistan oblysynyń aýdandaryndaǵy eldimekender 99,8% gazben qamtylady
TÚRKІSTAN. QazAqparat – Túrkistan oblysynda 43 tabıǵı gaz nysanynyń qurylysyn júrgizýge 14 mlrd teńge bólinip, jyldyń qorytyndysymen 20 nysannyń qurylys jumystary aıaqtalady. Bul týraly Túrkistan shaharynda ótken QR Prezıdenti janyndaǵy Ortalyq kommýnıkatsııalar qyzmetiniń brıfınginde oblys ákimi Ómirzaq Shókeev málimdedi, dep habarlaıdy QazAqparat tilshisi.
Aımaq basshysynyń aıtýynsha, 2025 jyldyń qorytyndysymen Túrkistan oblysynyń aýdandardaǵy 802 eldi mekendi 95% nemese 1,9 mln halyq 99,8% tabıǵı gazben qamtamasyz etý josparlanýda. Tabıǵı gazǵa qosylǵan eldi mekenderdegi turǵyndarǵa ákimdik tarapynan túsindirý jumystary qarqyndy júrgizilýde.
«Aýyz sýmen qamtamasyz etý maqsatynda, 56 nysannyń qurylysyna 18,9 mlrd teńge qarastyrylyp, qamtý deńgeıi 82,7% quraıdy. Sonyń ishinde, 35 nysan aǵymdaǵy jyly paıdalanýǵa beriledi. Jyl qorytyndysymen, 19 eldi meken jańa aýyz sý júıelerimen qamtylsa, 6 eldi mekendegi tozyǵy jetken sý qubyrlary qaıta jańartylady. 2 018 100 halqy bar Túrkistan oblysynda 843 eldi meken, onyń ishinde, 7 qala men 836 aýyldyq eldi meken bar. Oblys boıynsha 843 eldi mekenniń 678-sy ortalyqtandyrylǵan aýyz sýmen qamtamasyz etiledi. Atap aıtsaq, qalalar - 97,9 %, aýyldyq eldi mekender – 91% quraıdy»,- deıdi Ómirzaq Shókeev.
