Túrkistan oblysynyń ár aýdanynda polıtseılerdiń saptyq baıqaý ótkizilýde
TÚRKІSTAN. QazAqparat – Túrkistan oblysynyń ár aýdanynda polıtseılerdiń saptyq baıqaý ótkizilýde. Polıtsııa bólimsheleriniń jeke quramy qatysatyn Saptyq baıqaýlarǵa oblystyq Polıtsııa departamenti bastyǵy, polıtsııa general-maıory Qaırat Dálbekovtyń qatysyp, tártip saqshylarynyń qyzmet atqarýda daıyndyǵyn pysyqtady, dep habarlaıdy QazAqparat tilshisi.
Tártip saqshylaryna qoıylatyn negizgi mindet – qujattardaǵy uqyptylyq, taza, minsiz kıim úlgisi, zańdardy jatqa bilý. Osyǵan oraı, tártip saqshylarynyń syrtqy túri men jınaqylyǵy jeke baǵalanyp, Іshki ister organdary qyzmetkerleriniń saptyq jarǵy erejelerin meńgerýi, saptyq daǵdynyń dárejesin anyqtaýy, ereje talaptaryna saı bolýyn qadaǵalaýy tekserildi jáne qyzmettik avtokólikterge de tekserý jumystary júrgizildi.
Saptyq baqylaýdyń ótilýi – bárinen buryn óńirdegi polıtseılerdiń qyzmetine daıyndyǵyn tekserip, qoǵamdyq qaýipsizdik pen tártip saqtaýdy qamtamasyz etýdegi jeke quramnyń alǵa qoıǵan maqsat-mindetterge daıyndyǵyn baqylaý úshin uıymdastyrylady.
Sonymen qatar, jańadan kelgen jas mamandardan saltanatty túrde ant qabyldanady. Baıqaý barysynda basshylyq quramǵa kelip-ketý, sálemdesý, baıandaý ádisterinen saptyq jattyǵýlar ótkizildi.
Kıim kııý jaǵynan, bolmasa júris-turysynan, óz qyzmetin adal ári minsiz atqarýynan baıqalady. Al, túrli qylmystardy boldyrmaý, mal urlyqtarynyń aldyn alý, jol-kólik oqıǵalaryn boldyrmaý jáne jalpy qylmyspen kúres profılaktıkalaryn júrgizý Túrkistan oblysy Polıtsııa departamenti qyzmetkerleriniń kúndelikti josparynan túsken emes.
