Túrkistan oblysynyń aqparattyq-nasıhat toby maqtaraldyq turǵyndarmen kezdesti

MAQTAARAL. QazAqparat – Túrkistan oblysy ákiminiń orynbasary Meıirjan Myrzalıev bastaǵan oblystyq aqparattyq-nasıhat toby Maqtaaral aýdanynyń turǵyndarymen kezdesý ótkizdi. Top músheleri Qazaqstan Respýblıkasynyń Prezıdenti Qasym-Jomart Toqaevtyń 2019 jylǵy 2 qyrkúıektegi halyqqa arnaǵan «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» atty Joldaýyn túsindirip ótti, dep habarlaıdy QazAqparat tilshisi.

Aýdan ákimi Baqyt Asanov tóraǵalyq etken jıynǵa aýdan ardagerleri, qala, kent, aýyl ákimderi, aýdandyq máslıhat depýtattary, aýdannyń quqyq qorǵaý jáne atqarýshy organdary, aýmaqtyq basqarma, bilim, mádenıet, densaýlyq saqtaý mekemeleriniń basshylary, etno-mádenı ortalyqtar, qoǵamdyq jáne úkimettik emes uıymdar, zııaly qaýym, BAQ ókilderi qatysty. Eń birinshi bolyp sózge shyqqan oblys ákiminiń orynbasary Meıirjan Iıabaıuly Prezıdenttiń Joldaýyndaǵy basym baǵyttar men mejelengen josparlardy oryndaý, damyǵan elderdiń arasynda básekelestikke qabiletti bolý máselelerine toqtaldy. Sonyń ishinde, ásirese, kásipkerlik, salaýatty ómir saltyn nasıhattaý, mádenıet, aýyl sharýashylyǵy salalarynda atqarylǵan jáne atqarylatyn jumystar jóninde baıandady. Jıyn barysynda baıandama jasaǵan oblystyq aqparattyq-nasıhattyq toptyń músheleri Erjan Panov pen Almasbek Qojahmet jastarǵa Joldaýda júktelgen negizgi mindetter men atqarylar jumystardyń barysy, bilim máseleleri týraly keńinen túsindirdi. Kezdesýdi qorytyndylaǵan aýdan ákimi Baqyt Nasyrhanuly Joldaýda júktelgen mindetterdi sapaly oryndap, júzege asyrýda maqtaaraldyqtardyń aıanyp qalmaıtyndyǵyn aıtyp, memlekettik saıasatty aýdan turǵyndary árqashan qoldaıtyndyǵyn jetkizdi. «Respýblıka Prezıdentiniń Qazaqstan halqyna Joldaýynda qoıylǵan jáne odan týyndaıtyn mindetterdi oryndaý jalǵyz atqarýshy bıliktiń ǵana emes, barlyq memlekettik organdardyń, menshik túrine qaramastan kásiporyndardyń, mekemelerdiń, uıymdardyń, bir sózben aıtqanda, búkil jurtshylyqtyń, barlyǵymyzdyń ortaq isimiz. Árbirimiz óz ornymyzda belsendi áreket jasasaq, naqty is atqarsaq, Joldaýdaǵy mejeler eńseriletini sózsiz. Men barlyǵyńyzdy Joldaýdy oryndaýǵa baǵyttalǵan belsendi áreketter jasaýǵa shaqyramyn!» - dedi aýdan basshysy. Aıta keteıik, Maqtaaral aýdanynda 13 arnaıy nasıhattyq top qurylyp, olar aýdanymyzdyń barlyq eldi mekenderinde turǵyndarmen júzdesip, Joldaýdyń mán-mazmunyn túsindirýde.