Túrkistan oblysynyń ákimi ıÝNESKO delegatsııasymen kezdesti
Aımaq basshysy top quramyn bastap kelgen ıÝNESKO-nyń Parıjdegi tarıhı qalalyq landshafttar jónindegi keńesshisi Krıstına Iamandıge óńirdegi jańalyqtardyń jaıyn túsindirip ótti, dep habarlaıdy QazAqparat tilshisi.
Oblys ákimi kezdesý barysynda delegatsııa ókilderine Túrkistan oblysynyń qaıta qurylyp, jańarǵan tusynda kelgenine rızashylyǵyn bildirdi.
«Túrkistan oblysy men ıÝNESKO-nyń óńirimizdiń áleýetin arttyryp, odan ári damytýda múmkindikteri zor dep bilem. Jyldyń basynda biz Sizdermen «Mýzeı isi» mamandaryn oqytý boıynsha birlesken trenıngter ótkizdik. Búginde ózderińiz QR Mádenıet jáne sport mınıstrliginiń qoldaýymen «Ortalyq Azııadaǵy tarıhı qalalyq landshafttarǵa baǵyttalǵan tásildi engizý arqyly Túrkistandaǵy Qoja Ahmet ıAssaýı kesenesin tehnıkalyq qoldaý» Ulttyq semınaryn ótkizýdi bastadyńyzdar. Osy jyly Krısta Pıkkat hanymmen kezdesýde bizder materıaldyq jáne materıaldyq emes mádenı murany qorǵaý, sondaı-aq ıÝNESKO-nyń usynysymen tikeleı iske asyrylatyn mamandardy daıarlaý men olardy oqytý máselelerindegi jumysty tereńdetýge ýaǵdalastyq. Osyǵan baılanysty, ıÝNESKO-nyń Parıjdegi keńsesi men Krıstına Iamandı hanymnyń oblysymyzǵa sapary úshin jeke alǵysymdy bildirgim keledi», - dedi aımaq basshysy.
Otyrysta taraptar Túrkistan oblysy men onyń ortalyǵy Túrkistan qalasy jóninde áńgimelesti. ıÝNESKO-nyń Q.A.ıAssaýı keshenin naqty aýmaqtyq baılanystyrý jáne ony Túrkistan oblysynyń ortalyǵy retinde Túrkistan shaharynyń jalpy damý dınamıkasyna biriktirý qajettigi týraly qorytyndyǵa kelgeni oblys úshin óte mańyzdy ekenin alǵa tartqan J.Túımebaev uıym tarapynan usynylatyn bastamalardy jan-jaqty, tolyq qoldaýǵa ázir ekenin jetkizdi. Bul rette, naqty nátıjege qol jetkizý úshin jumystardy sheberlik saǵaty, sarapshylar men mamandardyń basyn qosqan semınarlar túrinde uıymdastyrýdy usyndy.
