Túrkistan oblysynyń ákimi kópbalaly analardy úıine baryp quttyqtady
Kezdesýde óńir basshysy áýlettiń berekesi men uıytqysyna aınalǵan aıaýly jandardy kele jatqan merekemen quttyqtady.
«Menińshe, barlyq deńgeıdegi ákimder kópbalaly otbasylardyń jaǵdaıymen tanysýy kerek. Olarmen betpe-bet júzdesip, qandaı kómek qajet ekenin bilgen jón dep oılaımyn. Siz sııaqty jandarǵa memleket tarapynan qashanda tıisti qoldaý jasalady. Jaqynda Elbasymyz N.Nazarbaev «Nur Otan» partııasynyń sezinde kópbalaly otbasylardyń turmys jaǵdaıyn jaqsartý jóninde Úkimet pen ákimderge naqty tapsyrmalar berdi. Az qamtamasyz etilgen, ásirese kópbalaly otbasylardy qoldaýdyń sharttary jeńildep, ár balaǵa 21 myń teńge kóleminde járdemaqy beriledi. Sizder ssııaqty batyr analarymyz kóp bolsyn. Jas qyz-kelinshekter ózderińizden úlgi alýy tıis», - dedi oblys basshysy.
Sondaı-aq, oblys ákimi kópbalaly analarǵa merekelik syılyǵyn tabys etti.
Aıta keterligi, Nazıra Alıeva - Ordabasy aýdany, Qajymuqan aýyl okrýgi, Temirlan aýylynyń turǵyny. Otbasynda 1 ul, 5 qyz tárbıelep otyr. Aıgúl Aıazbaeva da osy aýdannyń turǵyny. «Kúmis alqa» ıegeri. Jeke kásipker. Ardaqty analar óńir basshysynyń arnaıy quttyqtap kelgenine rızashylyq bildirip, Túrkistandy órkendetý baǵytyndaǵy bastamalaryna sáttilik tiledi.
