Túrkistan oblysynyń ákimdigi ıtalııalyq «ARM WIND» kompanııasymen baılanys ornatty
TÚRKІSTAN. QazAqparat - Túrkistan oblysynyń ákimi Ómirzaq Shókeev balamaly energııa óndirýmen aınalysatyn «Arm Wind» (ENI) halyqaralyq energetıkalyq kompanııa basshylyǵymen kezdesti, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Ekologııalyq máselelerdi árdaıym nazarda ustaıtyn óńir basshysy oblysta bul baǵytta atqarylyp jatqan jumystar jaıly aıtyp ótti.
Elimizde kómirqyshqyl gazynyń shyǵarylýyn tómendetýdiń mańyzy men Túrkistan óńiriniń jel jáne kún energııasyn paıdalanýdaǵy áleýeti zor ekenin habarlady. Jáne jasyl ekonomıka men bıznes klımatty jaqsartý syndy salalardy birlesip damytýǵa shaqyrdy.
«Biz Túrkistan oblysyn damytýǵa qatysty barlyq bastamalarǵa qoldaý kórsetip, birlese jumys isteýge ázirmiz. Osynda ókildik ashyp, basqa da usynystaryńyz bolsa qup kórer edik. Álemdik naryqta múmkindikterińiz orasan. Aldaǵy ýaqytta eki jaqqa da tıimdi ári tabysty jumys júrgizýge daıynbyz», – dedi oblys ákimi Ómirzaq Shókeev.
Munaı, gaz, elektr energııasyn barlaý, óndirý, tasymaldaý, óńdeý jáne ótkizý salasynda belsendi damyp kele jatqan biriktirilgen alpaýyt kompanııa Túrkistan óńirinde jańashyldyq zaman talabyna saı tehnologııalardy qoldanatyn eń tıimdi joldaryn júzege asyrmaq. Túrkistan óńiriniń naryǵyna engen ENI kompanııasynyń basshylyǵy mundaı jobalardy júzege asyrý energııany paıdalaný júıesin jetildirýge sep bolatynyn aıtyp ótti. Bul óz kezeginde, qorshaǵan ortany lastamaı, elektr qýatyn óndirýge múmkindik beredi.
Kezdesý barysynda Túrkistan oblysynyń ákimi Ómirzaq Shókeev pen ENI Orta Azııa óńirindegi atqarýshy Vıtse-prezıdenti Lýka Vınıatı ózara yntymaqtastyq týraly kelisimge qol qoıdy.
Túrkistan oblysynda parnıktik gazdar men basqa da lastaýshy zattardyń shyǵaryndylaryn azaıtý úshin jasyl tehnologııalar men «taza» energetıkany damytýda. Klımattyq táýekelderdi túsiný jańartylatyn energııa kózderiniń damýyna mańyzdy qadam jasaýǵa múmkindik berdi. «Jasyl ekonomıkaǵa» kóshý tujyrymdamasy men JEK jobalaryn iske asyrý boıynsha ınvestorlar úshin jaǵdaılar jasaldy.
Byltyr Otyrar aýdany, Sháýildir aýylynyń mańynda jer teliminiń aýdany 100 Ga jerde 50 MVt kún elektr stansasy úshin alǵashqy jobalyq aýktsıon ótkizildi. Oǵan Qazaqstan, Germanııa, Italııa, Qytaı, Nıderlandy jáne Reseı sııaqty 6 elden 7 kompanııa qatysyp, «Arm Wind» JShS kompanııasy atanǵan bolatyn.
