Túrkistan oblysynyń 5 aýyldaǵy maldardan taǵy brýtsýllez anyqtaldy

TÚRKІSTAN. QazAqparat- Túrkistan oblysynyń Qazyǵurt aýdanyndaǵy 5 aýylda usaq maldan brýtsýllez tabyldy. Bul týraly aýdan ákimi Arman Abdýllaev Túrkistan oblystyq komýnıkatsııalar qyzmetinde ótken brıfıngte aıtty, dep habarlaıdy QazAqparat tilshisi.

Qyzyl ata aýylynda eki qoıdan, al Qarjan, Qazyǵurt, Turbat, Qarabaý aýylynda bir qoıdan brýtsýllez belgileri baıqalǵan. Qazir atalǵan bes aýyldaǵy úılerde shekteý sharalar kúsheıtildi.

«Aýyl karantınge jabylǵan joq. Tek maldarynan brýtsýllez belgileri baıqalǵan úılerdiń tórt túligine shekteý jasaldy. Olar shekteý merzimi aıaqtalǵansha qoılaryn sata almaıdy, soıý almaıdy jáne syrtqa shyǵarmaıdy. Sondaı-aq, kórshileri de sondaı shekteýlerdi ustanady. Veterınarııalyq qyzmet mamandary jaǵdaıdy baqylaýda ustap otyr. Al, aýdan aýmaǵynda eshbir turǵyn naýqastanǵan joq»-dedi aýdan ákimi.

Aıta keteıik, buǵan deıin Qazyǵurt aýdanyndaǵy usaq maldan brýtsellez tabylǵan eki aýyl karantınge jabylǵanyn jazǵan bolatynbyz.