Túrkistan oblysynyń 49 aýylynda jańa medıtsınalyq nysan salynady
«Densaýlyq saqtaý salasyn ilgeriletý men medıtsınalyq jabdyqtarmen qamtý boıynsha júrgizilgen jumystardyń nátıjesinde ótken jyly aýrý-jitim kórsetkishi tómendedi. 4 aýrýhana antıograf, 2 aýrýhana kompıýterlik tomografııamen jabdyqtalyp, 1016 dana salaǵa qajetti tehnıka alynǵan. Osylaısha medıtsınalyq jabdyqtarmen qamtý deńgeıi 84% boldy», - dedi Darhan Satybaldy.
Onyń aıtýyna qaraǵanda, oblystaǵy 45 medıtsınalyq uıymda 5509 dáriger men 19154 orta personal halyqqa qyzmet kórsetedi.
«Byltyr 31 densaýlyq saqtaý nysanynyń qurylysy bastalyp, onyń 17-si el ıgiligine paıdalanýǵa berildi. Memleket basshysy Qasym-Jomart Toqaev Saryaǵash qalasynda perınataldyq ortalyǵy men zamanaýı medıtsnalyq keshen salýdy tapsyrǵan bolatyn. Qazirgi tańda nysan qurylysy úshin jer ýchaskesi bólinip, jobalaý-smetalyq qujattary ázirlenýde. Aýylda densaýlyq saqtaýdy jańǵyrtý» Ulttyq jobasy aıasynda aýyldarda 49 jańa nysan salynady. Jergilikti turǵyndardyń suranysy eskeriledi. 2022 jyly 5 nysan kúrdeli jóndeýden ótse, 2023 jyly qosymsha 2 nysanǵa jóndeý júrgiziledi», - dedi ákim.
