Túrkistan oblysyndaǵy jylyjaılardyń 90 paıyzynda qujat joq

TÚRKІSTAN. QazAqparat - Astanalyq arnaıy delegatsııany bastap kelgen Premer-Mınıstrdiń orynbasary – Saýda jáne ıntegratsııa mınıstri Serik Jumanǵarın Túrkistan oblysynyń ákimi Darhan Satybaldymen birge ońtústiktiń jylyjaı ıelerimen kezdesti. Onda taraptar talap-tilekterin ortaǵa saldy, dep habarlaıdy QazAqparat.

Dıqandar talaptary oryndalady. Memleket tarapynan qoldaý kórsetiledi. Alaıda memleket tarapynan da birqatar usynys bar.

Eń aldymen, jylyjaı ıeleri óniminiń 70 paıyzyn naryqtyq baǵamen ishki naryqqa satýy tıis.

ıAǵnı, kókónis pen jemis-jıdektiń basym bóligi shetel emes, Qazaqstan halqyna qoljetimdi bolýy tıis.

Jylyjaı ıelerine memleket tarapynan beriletin jeńildetilgen nesıe alýdyń zańdy tetikteri qaralyp jatyr.

Alaıda, ol úshin olar óz isin zańdastyrýdy kerek. Qazirgi jaǵdaıda bul da buǵaý bolyp tur. Óıtkeni jylyjaılardyń 90%-dan astamy qujattandyrylmaǵan.

Gektarlyq sýbsıdııa beriledi. Ol úshin belgili standarttar bekitiledi. Olar sertıfıkattalady. Tıisti zańdarǵa ózgerister engizilip, memlekettik organdar tarapynan erejeler bekitiledi.

Al, qardan qıraǵan jylyjaılar jeńil temirden, standarttarǵa sáıkes emes salynǵan.

Keler jyly kómir tapshylyǵyn boldyrmaý úshin osy bastan is-áreketke kóshý kerek.

Alypsatarlardan arylý úshin sharýalar kooperatıv quryp, tapsyrysty erte jáne naqty mórsherde berý kerek.

Otyndy aldyn ala satyp alyp, saqtaý úshin qaýipsizdik sharalary qamtylý mindetteledi. ıAǵnı, jer asty ne qoıma bolýy mindetti.

Jylyjaı ıeleri - kásipker. Soǵan qaramastan, áleýmettik salaǵa baǵyttalǵan tómen baǵada esepteledi.

Búgingi basqosýǵa kórshi Ózbekstannan aýyl sharýashylyǵy salasy mamandary keldi.

- Biz sizderdi tyńdaýǵa keldik. Aldaǵy ýaqytta qıyndyqtardy boldyrmaý úshin, erte qamdanýdyń mańyzy belgili. Jylyjaı ıelerine memleket tarapynan jan-jaqty qoldaý beriledi. Alaıda olar tek zań aıasynda júzege asýy tıis, - dedi Serik Jumanǵarın.

Jylyjaı sharýashylyqtaryn aýyl sharýashylyǵy daqyldaryn qorǵalǵan topyraqta ósirýdi sýbsıdııalaý (gektarlyq sýbsıdııa) baǵdarlamasy arqyly qoldaý kórsetiledi.

Sondaı-aq jylyjaı keshenderin qoldaý úshin, aınalym qarajatyn tolyqtyrý maqsatynda «Keń dala» baǵdarlamasy sheńberinde arnaıy jeńildetilgen qarjylandyrý mehanızmin endirý qajet.

Jalpy jylyjaılardyń 94 % fermerlik qoldan jasalǵan jeńil konstrýktsııaly jylyjaı bolǵandyqtan 100-den astam taýar óndirýshiniń 37 gektar jylyjaıy qar salmaǵyn kótere almaı jaramsyz kúıge tústi.

Sonymen qatar 9 gektardy quraıtyn 3 jylyjaıdyń ónimderin úsik shaldy.

Zardap shekken jylyjaı kólemi - 46 ga. Onyń 3,7 ga ónim egilgen. Qalǵanyna ónim egilmegen.

Jylyjaı sharýashylyqtaryn qarqyndy damytýda Túrkistan oblysy - elimizdegi aldynǵy qatarly birden-bir óńir. Jalpy respýblıkadaǵy jylyjaılardyń 71 % oblystyń úlesinde nemese 1 569 gektardy quraıtyn 3 366 jylyjaı bar.

Foto: facebook.com/ontustik.gov.kz