Túrkistan oblysyndaǵy jylý jelileriniń 46,5 paıyzy tozǵan
Basqarma basshysynyń aıtýynsha, óńirde qysqa daıyndyq jumystary kestege sáıkes júrgizilip jatyr. Eger, kún raıy bes táýlik boıy +8 gradýstan tómen bolsa, aýdan-qala ákimderi jylý maýsymyn bastaý jóninde sheshim qabyldaıdy.
«Jylytý maýsymyna qajetti kómirdiń jalpy kólemi - 1 021,3 myń tonnany quraıdy. Qazirgi tańda kómir vagondary turaqty kelip jatyr. 1 mamyr - 28 tamyz aralyǵynda «QTJ - Júk tasymaly» AQ arqyly oblysqa 212 myń tonna kómir jetkizildi. Kómir saqtaý qoımalarynda 138,9 myń tonna kómir bar. Shubarkól markaly kómirdiń ortasha baǵasy tonnasyna - 15-24 myń teńgeden satylýda» - dedi, basqarma basshysy.
Búginde Kentaý qalasyndaǵy jylý ortalyǵynyń 4 qazandyǵy oblystyq bıýdjet esebinen jóndeýden ótip jatyr. Sondaı-aq, demeýshiler tarapynan taǵy 4 qazandyq qaıta qalpyna keltirilýde. Qazirgi tańda demontaj jumystary tolyq aıaqtalyp, jańa qurylǵylardy ornatý jumystary bastalǵan.
«Oblystaǵy jylý jelilerine tutastaı tehnıkalyq zertteý júrgizilgen. Jylý jelileriniń tozýy 46,5 paıyzdy qurap otyr. Olardy rekonstrýktsııalaý boıynsha 2025 jylǵa deıin is-sharalar jospary jasaqtaldy. Qazirgi tańda Kentaý qalasyndaǵy 4,7 shaqyrym magıstraldy jylý jelilerinde jóndeý jumystary júrgizilýde» - dedi ol.
Aıta keteıik, búgin Energetıka mınıstri Almasadam Sátqalıev jylytý maýsymyna daıyndyqty kesteden keshiktirgen qalalardy ataǵan bolatyn. Olardyń ishinde Kentaý qalasy da bar.
