Túrkistan oblysyndaǵy tonnel 2022 jyly paıdalanýǵa beriledi - QR IIDM
TÚRKІSTAN. QazAqparat - Dúnıejúzilik banktiń, Avtomobıl joldary komıtetiniń jáne «QazAvtoJol» UK» AQ Túrkistan oblystyq fılıalynyń ókilderi respýblıkalyq mańyzy bar «Qorǵas-Almaty-Taraz-Shymkent-Tashkent» 593-632 shaqyrym (Shaqpap Baba aýyly) avtjolynyń qaıta qurý ýchaskesindegi tonnelge birlesip shyqty.
Kezdesý barysynda ókilder jumys barysymen jáne obektidegi aǵymdaǵy jaǵdaımen tanysty, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.
Avtomobıl joldary respýblıkalyq mańyzy bar «Qorǵas-Almaty-Taraz-Shymkent-Tashkent» 593-632 shaqyrym tonneldiń bir jaq jolaǵynyń 840 metr qurylysy aıaqtaldy. Qazirgi ýaqytta beton jumystary tolyǵymen aıaqtalyp, drenaj júıesiniń qurylysy júrgizilýde.
«Ekinshi jolaqtyń ashylýyna 340 metr qaldy. Joba 2022 jyly paıdalanýǵa beriledi»,-delingen habarlamada.
