Túrkistan oblysyndaǵy taý shatqalynda tumannan eki adam adasqan
TÓLEBI. QazAqparat - Túrkistan oblysy, Tólebı aýdanyndaǵy Aqsý taý shatqalynda adasqan eki adam qutqaryldy. Olar Hanaryq aýylynan 3 shaqyrym qashyqtyqtaǵy shatqalǵa baryp, tumannan qaıtar joldy taba almaı qalǵan, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, joldan adasqan eki er adamnyń biri keshki saǵat 20:30-da jubaıyna habarlasqan. Kelinshegi bolǵan jaǵdaıdy aıtyp, qutqarý qyzmetinen kómek suraǵan.
«Oqıǵa oryna oblystyq TJD-niń 4 qyzmetkeri 1 tehnıkamen jetti. Olardyń jedel áreket etýiniń arqasynda túngi saǵat 00:15-te 33 jastaǵy eki er adam da tabyldy. Qutqarylǵandarǵa medıtsınalyq kómek qajet bolǵan joq», - delingen habarlamada.
