Túrkistan oblysyndaǵy sý tasqyny boıynsha shuǵyl shtab quryldy
TÚRKІSTAN OBLYSY. QazAqparat – Túrkistan oblysy, Tólebı aýdanyndaǵy sý tasqyny boıynsha shuǵyl shtab quryldy. Bul týraly Túrkistan oblysynyń ákimi Sáken Qalqamanov aıtty, dep habarlaıdy QazAqparat tilshisi.
«Qasqasý aýyldyq okrýgi, Joǵarǵy Qasqasý aýylynda qatty jaýynnyń saldarynan Qasqasý ózeni tasyp, Joǵarǵy Qasqasý aýyly ishindegi tórt kópirdi sý shaıǵan. Sonymen qatar, Ekpindi aýylynyń 4 jeke turǵyn úıine jáne 15 úıdiń aýlasyna sý kirgen. Barlyǵy 15 m.kýb sý soryldy. Osy jaǵdaıǵa baılanysty Tótenshe jaǵdaılar departamentinde saǵat 19:20-da shtab quryldy. Qazirgi tańda bul aýyldarda sý tasý qaýipi joq. Oqıǵa ornyna TJD 82 qyzmetkeri, 8 dana tehnıkasy, 11 motapompa jáne jergilikti aýdan aýyl ákimdikterinen 25 qyzmetker 4 dana tehnıka kúshteri jumyldyryldy», - dedi Sáken Qalqamanov jelidegi paraqshasynda .
Tólebı aýdanynyń ákimi Baýyrjan Omarbekovtyń aıtýynsha eń kúrdeli jaǵdaı Sultanrabat eldi mekeninde qalyptasyp otyr.
«Eń kúrdeli jaǵdaı Sultanrabat eldi mekeninde qalyptasyp, onda Saýran kóshesiniń 150 turǵyn úıi ornalasqan bóliginen sý aǵyp ótti. Birneshe úılerdiń aýlasyna jáne úılerdiń ishine sý kirý jaǵdaıy tirkeldi. Qazirgi tańda biz naqty qansha úıge sý kirgenin anyqtaýdamyz. Aýyldyq okrýgtegi osy kósheniń turǵyndaryn evakýatsııalaý jaǵdaıyn uıymdastyrdyq. Leńgir qalasyndaǵy №8 kolledjdiń jataqhanasyna ornalastyrdyq»,- dedi aýdan ákimi.
Eske sala keteıik, buǵan deıin Túrkistannyń Tólebı aýdanynda Qasqasý ózeni arnasynan asyp, 4 kópirdi sý shaıyp ketkeni týraly habarlaǵan bolatynbyz.
Sondaı-aq, sel sýy Túrkistan oblysynyń taǵy eki aýdany men Shymkent qalasynyń aýdanyn sý basyp qalǵan edi.
