Túrkistan oblysyndaǵy sý tasqyny: Bógetter salynýda
MAQTAARAL. QazAqparat - Maqtaaral aýdanynda sý basý qaýpi bar eldi mekender aınalasyna bógetter salynýda. Búginde Nurly jol aýylynyń aýmaǵynda uzyndyǵy 2,5, bıiktigi 1,5 bolatyn bóget soǵyldy, dep habarlaıdy QazAqparat tilshisi.
Oblys ákimdiginiń málimetinshe, Fırdoýsı eldi mekeninen Myrzakentke qaraı 3 kollektor ornalastyryldy. Órgebas eldi mekeniniń aýmaǵynda uzyndyǵy 20 m , bıiktigi 1 metr bolatyn bóget jasalsa, Yrysty eldimekeninde bıiktigi 0,5 m , uzyndyǵy 40 metrlik bóget soǵyldy. Sondaı-aq, Jantaqsaı eldimekeniniń mańynan uzyndyǵy 800 metr bolatyn bóget turǵyzyldy.
Al, kórshi Jetisaı aýdanynda Qoǵaly aýylynyń avtomobıl jolynyń boıynda uzyndyǵy 500 metrden asatyn bóget salý arqyly nyǵaıtý jumystary júrgizilýde. Bul jumystarǵa 6000 dana qap paıdalanylǵan.
Atalǵan jumysqa 649 adam, 15 dana tehnıka jumyldyrylǵan. Onyń ishinde jergilikti ákimdikten 13 tehnıka, 15 adam, TJD 30 adam, Polıtsııa departamentinen 4 adam, 2 tehnıka jáne 600-den astam eriktiler bar.
Esterińizge sala keteıik, 1 mamyrda Sardoba sý qoımasy bógetin sý shaıyp ketýine baılanysty Ózbekstannyń Syrdarııa oblysyndaǵy eldimekendi sý basty.
Sonyń saldarynan Maqtaaral aýdanynda shekara mańyndaǵy birneshe kollektor sýǵa tolyp qalǵan. Maqtaaraldaǵy ortalyq kollektordan sý syrtqa jaıylyp, Jeńis, Jańa turmys aýyldaryn sý alyp ketti.
Sondaı-aq, Túrkistan oblysyndaǵy eldi mekenderdi sý basý saldaryn joıý jónindegi Úkimettik komıssııa quryldy.
