Túrkistan oblysyndaǵy shıpajaılarda demalýshylar da daýys berip jatyr

TÚRKІSTAN.QazAqparat - Túrkistan oblysynyń turǵyndary da kezekten tys prezıdent saılaýyna bir kisideı qatysýda. Óńirde tańǵy jetiden bastap 919 saılaý ýchaskesi ashylyp, jumys istep jatyr, dep habarlaıdy QazAqparat tilshisi.

Saılaý ýchaskeleriniń 26-sy jabyq ýchaskeler sanalady. Sondaı jabyq ýchaskelerdiń biri «Saryaǵash» shıpajaıynda ornalasqan. Onda 54 shıpajaıda demalyp jatqan 880 adam daýys beredi. Búgingi kúni olardyń belsendiligi óte joǵary. Tańǵy saǵat jetiden bastap ashylǵan saılaý ýchaskesinde demalýshylar tipti kezek kútip, daýys berýde. Alǵashqy on daýys berýshige arnaıy syılyqtar da tapsyryldy. Ózge saılaý ýchaskelerinen ereksheligi munda elimizdiń ár qala oblystarynan kelgen azamattar óz tańdaýlaryn jasap jatyr. Jalpy búgin Túrkistan oblysynda turǵyndardyń 53 paıyzy daýys berý quqyna ıe bolǵan. ıAǵnı 1 mln 168 myńnan astam saılaýshy óz tańdaýyn jasaıdy. Aımaqta 11 myńǵa jýyq qolarbaǵa tańylǵan jáne kózi nashar kóretin, estý qabileti tómen jandar bar. Olardyń daýys berýi úshin barlyq jaǵdaı jasalǵan. Al, eń jasy úlken saılaýshy Báıdibek aýdanynda tirkelip otyr. 107 jastaǵy ájeı de bul kúni óz tańdaýyn jasamaq.