Túrkistan oblysyndaǵy respýblıkalyq mańyzy bar 321 shaqyrym jol aqyly bolady
Túrkistan. QazAqparat - Shymkent-Tashkent, Shymkent-Qyzylorda, Shymkent-Taraz baǵyttary boıynsha jolǵa shyqqan kólikter ár shaqyrymǵa aqy tóleıdi, dep habarlaıdy QazAqparat tilshisi.
Bul týraly «QazAvtoJol» UQ AQ Túrkistan oblystyq fılıaly dırektorynyń orynbasary Nurjan Bekov aıtyp ótti.
«Jolaqysy 2013 jyly bekitilgen tarıf boıynsha esepteledi. Jeńil kólikter úshin 1 shaqyrymǵa 1 teńge, 15 tonnalyq júk kólikteri úshin 25 teńgege deıin esepteledi. Qazirgi kezde oblys aýmaǵyndaǵy joldarǵa 11 baqylaý arkasy ornatyldy. Olardyń barshasy beınebaqylaý kameralarymen jabdyqtalǵan. Arkalardyń astynan ótken kólikterdiń nomirine avtomatty túrde tólem jiberiledi. ıAǵnı, shlagbaým qoıylmaıdy. Máselen, Shymkent-Qyzylorda baǵytynda 6 arka bar. Al, Shymkentten shyqqan kólik Temirlanǵa baratyn bolsa, bir arkadan ótedi. Demek, ol júrgen 30 shaqyrymyna ǵana tólem jasaıdy» – deıdi Nurjan Bekov.
Taǵy bir aıta keter jaıt, qyzmettik mindetterdi oryndaý kezindegi kólikter tólemnen bosatylǵan. Jedel-járdem, avarııalyq qyzmet, órt sóndirý, patrýldik polıtsııa, áskerı tehnıka kólikterinen tólem alynbaıdy. Sondaı-aq, jaqyn mańdaǵy eldimeken turǵyndaryna da jeńildikter qarastyrylǵan.
