Túrkistan oblysyndaǵy polıtsııanyń front keńselerine 3 myńǵa jýyq azamat kelgen
TÚRKІSTAN. QazAqparat - Jyl basynan beri Túrkistan oblysy Polıtsııa departamentine qarasty front keńselerine 3000-ǵa jýyq azamat kelgen, dep habarlaıdy QazAqparat oblystyq PD baspasóz qyzmetine silteme jasap.
Front keńselerde turǵyndarǵa qolaıly jaǵdaı jasalǵan, bólmeleri zamanaýı tehnıka, jıhazdarmen jabdyqtalǵan, yńǵaıly kútý aımaǵy, aqparattyq stendter, teledıdar jáne ǵalamtor, salqyndatqysh qosylǵan, jalpy alǵanda barlyq qajettilikter qarastyrylǵan. Keń ǵımaratta azamattar ákimshilik praktıka jelisi, lıtsenzııalyq-ruqsat berý júıesi, qylmystyq isterdi tergeý, kóshi-qon jáne kadr saıasaty basqarmasy qatysty quqyqtyq keńes ala alady.
Aýdan turǵyndarynyń ótinishteri men suraqtaryn munda jergilikti polıtsııa qyzmeti, ákimshilik polıtsııa, kóshi-qon qyzmeti, tergeý, anyqtaý jáne kadr saıasaty basqarmasynyń mamandary qabyldaıtyn bolady.
Oblystyq PD-nyń janynan ashylǵan «front-ofıske» osy ýaqytqa deıin 1200-ge jýyq azamat ótinishpen kelgen. Onyń ishinde, ótinishi jaýapsyz qalmaı, sheshimin taýyp, PD-nyń áleýmettik jelidegi paraqshasy arqyly polıtseılerdiń qyzmetine rıza bolyp, alǵys bildirgender de boldy. Zamanaýı keńsege kelýshilerdiń jartysyna jýyǵy ákimshilik jáne jergilikti polıtsııa qyzmetine, 300-ge tarta azamat tergeý salasyna, 500-i kadr jáne basqa da qyzmetter boıynsha júgingen.
Sonymen qatar, QAPB (B)-na qarasty ashylǵan 14 front-ofıske jalpy sany 1800-ge jýyq turǵyn kelgen. Oǵan qosa «Front-ofıste» aıyna bir ret oblystyq PD-nyń bastyǵy polıtsııa general-maıory Qaırat Dálbekovtiń «Qosh keldińiz!» aktsııasy ótkizilip, aldyn ala jazylǵan turǵyndarǵa jeke qabyldaýdy uıymdastyryp otyrady.
