Túrkistan oblysyndaǵy ózen jaǵalaýynan 100 jyldyq tarıhy bar arba tabyldy
Shubar aýylyndaǵy Arys ózeni jaǵalaýynan tabylǵan arba HІH-HH ǵasyrǵa tıesili eken. Shamamen ótken ótken ǵasyrdyń 1920/1940 jyldar aralyǵynda paıdalanylǵan.
«Qazir saz balshyǵyn tazalap retke keltirip jatyrmyz. Bul arbany zertteý úshin, qalpyna keltirý úshin mamandar kerek. Sondyqtan «Otyrar» mýzeıine hat jazyp, kelisýdemiz» - deıdi oblystyq Qajymuqan sport mýzeıiniń sektor meńgerýshisi Erik Áshirbekov.
Arbany Arys ózenine balyq aýlaýǵa barǵan Bekbosyn Bahytjan esimdi aýyl turǵyny taýyp alypty. Sý deńgeıi tómen túskendikten bir dóńgelegi kórinip jatqan. Muny baıqaǵan turǵyn birden mýzeı qyzmetkerlerin shaqyrtqan.
«Alǵashqyda baryp kórdik, sýretke túsirip aldyq. Keıinnen jaǵaǵa shyǵardyq. 4 dóńgelekti satyly aǵash arba eken. Biraq eki-aq dóńgelegi men beldemshesi ǵana qalǵan. Sýdan shyǵarǵan sátimizde taǵy bir dóńgelegi synyp ketti»- deıdi Erik Áshirbekov.
Qazirgi kezde tarıhı arba tarıhı sáýlettik eskertkish Ishan-Bazar Aqmeshit mýzeıinde saqtaýly tur.
