Túrkistan oblysyndaǵy ónerkásip ónimniń kólemi 453,8 mlrd teńgeni qurady
TÚRKІSTAN.QazAqparat - Túrkistan oblysynda ótken jyly ónerkásip óniminiń kólemi - 453,8 mlrd teńgeni qurady. Búgin bul týraly Óńirlik kommýnıkatsııalar qyzmetinde ótken baspasóz máslıhatynda Ekonomıka jáne bıýdjettik josparlaý basqarmasynyń basshysy Arman Sábıtov málimdedi, dep habarlaıdy QazAqparat tilshisi.
Arman Sábıtovtyń sózinshe, oblys boıynsha bıýdjettiń jalpy kólemi 562,1 mlrd teńge bolǵan. Onyń ishinde damý bıýdjeti - 80,8 mlrd teńge bolsa, al, jergilikti bıýdjetke túsken salyqtar men basqa túsimderdiń kólemi - 100,9 mlrd teńgege jetken.
«Óńirdegi óńdeý ónerkásibi óniminiń kólemi - 236,9 mlrd teńgeni qurap, ósim - 100,7 paıyzǵa jetti. Aýyl sharýashylyǵynyń jalpy ónim kólemi - 544,3 mlrd teńgeni qurap, 2017 jylmen salystyrǵanda 5,3 paıyzǵa artqan. Atap aıtqanda, mal sharýashylyǵynda et óndirisi - 4,8 %, sút - 2,8 %, jumyrtqa - 8,1 paıyzǵa artty», - dedi oblystyq ekonomıka jáne bıýdjettik josparlaý basqarmasynyń basshysy.
Basqarma basshysy sondaı-aq óńirge 288,1 mlrd. teńge ınvestıtsııa baǵyttalyp, ósim kórsetkishi - 101,2 % bolǵanyn atap ótti. Budan ózge, qurylys jumystarynyń jalpy kólemi - 139,1 mlrd teńge bolǵan. Al, paıdalanýǵa berilgen turǵyn úıdiń jalpy alańy - 387,8 myń sharshy metrge jetip, 2017 jylǵa qaraǵanda 21,7 paıyzǵa artqany baıqalady. Tıisinshe, bul salada oblystyń Respýblıkadaǵy úlesi 3,1 paıyzǵa jetip, 3-oryndy ıelenip otyr.
Aıta keteıik, búgingi tańda oblystyń respýblıkalyq bıýdjetke táýeldiligin tómendetý maqsatynda birqatar jumystar júrgizilýde. Ótken jyly bıýdjettiń jalpy kóleminde ózindik kiristerdiń úlesi 17,1 paıyzǵa artyp, 7 mlrd teńgege ósken. Bıýdjettiń shyǵystar bóliginde aǵymdaǵy shyǵyndar 467,7 mlrd teńgeni qurasa, al damý bıýdjetiniń shyǵyndary 94 mlrd teńgege jetip otyr. Bıýdjet kóleminde áleýmettik salaǵa baǵyttalǵan shyǵystar 341,2 mlrd teńgeni qurap, úlesi - 60,7 paıyz bolǵan.
