Túrkistan oblysyndaǵy oqýshylar ІІІ toqsanda qalaı oqıdy
TÚRKІSTAN. QazAqparat - 2020-2021 oqý jylynyń ІІІ toqsany bilim alýshylardyń, muǵalimderdiń jáne basqa qyzmetkerlerdiń densaýlyǵyn saqtaý maqsatynda mektepterde oqý protsesi qashyqtyqtan oqytylady. Al, bitirýshi synyptar sanıtarlyq talaptardy saqtaı otyryp, shtattyq rejımde oqıdy. Bul jóninde oblystyq adamı áleýetti damytý basqarmasy basshysynyń orynbasary Ardaq Mádihanqyzy Óńirlik kommýnıkatsııalar qyzmetinde ótken brıfıngte aıtty, dep habarlaıdy QazAqparat.
9 ben 11-synyp oqıtyn óńirdegi 66 401 oqýshy negizgi pánderdiń 70%-yn (matematıka, tilder, fızıka, hımııa, tarıh, geografııa, bıologııa, dene shynyqtyrý) shtattyq rejımde, 30% (ınformatıka, quqyq negizderi, ózin-ózi taný, eńbek) qashyqtyqtan bilim alýdy jalǵastyrady. Sonymen qatar, mektep ákimshiliginiń sheshimi boıynsha sabaqtan tys ýaqytta úlgerimi tómen 5 adamnan aspaıtyn toptarda oqýshylardy jeke oqytýǵa daıyndyq jumystary júrgiziledi.
«Oblys aýmaǵyndaǵy jalpy 918 mektepte 24317 kompıýter qoldanýǵa jaramdy. Oblystaǵy barlyq oqýshylar sany – 499975. Mektepterdegi kompıýterlerge qajettilikti joıý úshin Qazaqstan Respýblıkasy Úkimeti rezerviniń qarajatynan 57190 (7711 planshet, 5952 kompıýter, 43527 noýtbýk) kompıýterlik qurylǵy satyp alyndy»,- dedi ol.
Jalpy ońtústik óńirdiń oqýshylaryna 24 317 kompıýter mektep qorynan, 1539 kompıýterlik qurylǵy jergilikti bıýdjet esebinen, 1445 kompıýter «Mektepke jol» aktsııasy aıasynda demeýshiler esebinen berilgen. Noýtbýkter men kompıýterler aýdan, qalalardyń bilim bólimderine jiberilgen.
Aıta keteıik, bilim berý uıymdarynda qarjy jetispeý saldarynan týyndaǵan keıbir aýdandardaǵy máselelerdi sheshý joldary da qarastyrylýda. Tıisti qarjy
2021 jyldyń qarajaty esebinen birinshi kezekte qarastyrylyp, esepshottaryna aýdarylatyn bolady. Atalǵan máseleler Kentaý qalasy, Saıram aýdany, Saryaǵash jáne Keles aýdandarynda bar.
