Túrkistan oblysyndaǵy naýbaıhana bir aýdandy nanmen qamtamasyz etip otyr
TÚRKІSTAN. QazAqparat - Túrkistan oblysyndaǵy naýbaıhana bir aýdandy nanmen qamtamasyz etip otyr, dep habarlaıdy Túrkistan oblysy ákimdiginiń baspasóz qyzmeti.
Baspasóz málimetterine qaraǵanda, atalǵan naýbaıhana Túrkistan oblysynyń Shardara aýdanynda «Astana nan» degen ataýmen belgili.
2017 jyly ashylǵan óndiris oshaǵynyń ınvestıtsııalyq quny - 61 mln. teńge. Onyń 50 mln. teńgesi óz qarajaty esebinen, 11 mln. teńgeni «Yrys» MQU arqyly jeńildetilgen nesıege alǵan.
Túrkistan oblysy ákiminiń baspasóz qyzmeti aýdanǵa uıymdastyrǵan press-týr kezinde BAQ ókilderi atalǵan kásiporynnyń jumysymen tanysty.
Naýbaıhana táýligine 12 myń dana nan pisirýge qaýqarly. Mekeme basshysy Murat Malıkov aldaǵy ýaqytta ónim kólemin arttyrýdy josparlap otyrǵanyn aıtady.
«Qazirgi tańda, eldi mekenderge 5 baǵyt boıynsha nan taratyp kelemiz. Taýarymyzǵa degen suranys kún ótken saıyn artyp keledi. Bastapqyda 6 myń nan daıyndasaq, qazir ónim kólemi 2 esege artyp otyr. Munda nannyń 4 túrin daıyndap jatyrmyz. Aldaǵy ýaqytta kondıterlik ónimder óndirý josparlanýda», - dedi Murat Malıkov.
Mekemede 13 adam turaqty jumysqa ornalasqan. Jumysshylardyń ortasha jalaqysy 70 myń teńge.
