Túrkistan oblysyndaǵy mektepter IV toqsanda oqytýdyń aralas formatyna kóshedi
NUR-SULTAN. QazAqparat – Túrkistan oblysyndaǵy mektepter IV toqsanda oqytýdyń aralas formatyna kóshedi. ıAǵnı, pánderdiń bir bóligi dástúrli túrde, bir bóligi qashyqtan oqytylady, dep habarlaıdy QazAqparat.
Al, 300 oqýshyǵa deıingi kontıngenti bar bilim uıalary dástúrli jumys rejımin jalǵastyra beredi. Bul týraly búgin Óńirlik kommýnıkatsııalar qyzmetinde ótken brıfıngte Adamı áleýetti damytý basqarmasynyń basshysy Raqymbek Jolaev málimdedi.
Onyń sózinshe, mınıstrlik negizgi pánderdi shtattyq formatta, mýzyka, kórkem eńbek, ınformatıka, quqyq negizderi, grafıka jáne jobalaý, kásipkerlik jáne bıznes negizderi sııaqty pánderdi qashyqtan ótkizýdi usynǵan.
«Barshaǵa málim 25 naýryzda Memlekettik bas sanıtarlyq dárigerdiń koronavırýstyq ınfektsııany taratýǵa jol bermeý boıynsha jańa qaýlysy shyqty. Osyǵan baılanysty bıylǵy oqý jylynyń sońǵy toqsanyndaǵy oqý protsesine az-kem ózgerister engizilip otyr. Aldaǵy kúnderi 1 synyp – 1 kabınet qaǵıdaty boıynsha synyptardy 25 oqýshydan artyq toltyrmaı oqytýǵa jol beriledi. Sabaqtyń uzaqtyǵy - 40 mın. Aýysymdar boıynsha synyptar sanyn, sondaı-aq jekelegen pánderdi qashyqtan oqytýdy mektep belgileıdi. Erekshe jaǵdaılarda ata-analardyń ótinishi boıynsha balalardy qashyqtan oqytý formatynda qaldyrýǵa ruqsat etiledi. Mektepterde oqý protsesin uıymdastyrý kezinde barlyq epıdemııaǵa qarsy is-sharalar qarastyrylatyn bolady», – dedi R.Qýatbekuly.
Sonymen qatar, bilim berý nysandaryndaǵy ashanalardyń jumysy sanıtarlyq epıdemıologııalyq talaptardy saqtaı otyryp uıymdastyrylady. Al, oqýshylarǵa mektep formasyn kııý mindettelmeıdi, sabaqqa erkin jáne uqypty kıimde qatysýǵa ruqsat etiledi.
Aıta keteıik, oblysta III-toqsanda 13 2064 oqýshy dástúrli formatta, 28 6168 oqýshy qashyqtan oqytylǵan.
