Túrkistan oblysyndaǵy mektepter 6 sáýirden bastap qashyqtan oqytý júıesine kóshedi
TÚRKІSTAN. QazAqparat - Túrkistan oblysyndaǵy bilim uıalary 6-sáýirden bastap tolyqtaı qashyqtyqtan oqytý júıesine kóshedi, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Sáýirdiń 6-nan bastap, óńirdegi barlyq oqýshylar 4-shi toqsan boıynsha mektep baǵdarlamasyndaǵy sabaqtaryn óz úılerinde onlaın rejımde 2 aýysymda oqıdy.
Osy jańasha júıeni tıisti deńgeıde iske asyrý úshin mamandar atalǵan salaǵa monıtorıng júrgizip, oqýshylar men oqytýshylardyń qashyqtyqtan oqytý júıesine daıyndyǵyn pysyqtady.
Búginde qashyqtyqtan oqytýǵa arnalǵan arnaıy portaldar daıyndalyp, iske qosylyp otyr. «Bilimland», «Google Classroom», «MOODLE», «Univer», «Platonus», «Canvas», «Daryn.online» syndy júıeler balalardy bilim nárimen sýsyndatpaq.
Árbir oqýshy sonda tirkelip, tıisti úı tapsyrmasyn alyp oqýyn jalǵastyra alady. Sondaı-aq, elimiz boıynsha oqýshylar mektep baǵdarlamasyndaǵy pánderdi qazaq tilinde «Balapan», orys tilinde «Elarna» telearnasynan da oqyp úırenýge múmkindik týady. Oqý baǵdarlamasyn qaıtalap oqýdy respýblıkalyq telearnalardan bólek jergilikti jerdegi telearnalar da qosymsha júzege asyratyn bolady.
