Túrkistan oblysyndaǵy Keles ózeninen zańsyz tas urlaǵandar ustaldy

TÚRKІSTAN.QazAqparat - Túrkistan oblysy, Keles aýdanynda jergilikti ákimdik pen polıtsııa bóliminiń Tabıǵatty qorǵaý ınspektsııasy birlese reıd júrgizgen. Atalǵan shara barysynda Keles ózenininen zańsyz tas urlaǵan turǵyndar anyqtalǵan, dep habarlaıdy, QazAqparat tilshisi.

Polıtsııa tártip buzýshylardan 5 dana droglaın kóligin tárkilep, ony zańdy sheshim qabyldanǵanǵa deıin aıyp turaǵyna qoıǵan. Qorshaǵan ortaǵa keltirilgen zalaldy baǵalaý úshin jınalǵan materıaldar ekologııa departamentine jiberilgen.

Jedel-profılaktıkalyq is-shara ótkizý kezinde polıtsııa qyzmetkerleri tarapynan QR QK 334-baby «Jer qoınaýyn óz betimen paıdalaný» boıynsha ótken jyly 21 ákimshilik quqyqbuzýshylyq anyqtalyp, tártip buzýshylarǵa 21 mıllıon teńgege jýyq ákimshilik aıyppul salynǵan.

Aıta keteıik, jyl basynan beri osyndaı úsh derek anyqtalyp, kináli tulǵalarǵa 500 myń teńgege jýyq aıyppul salynǵan.