Túrkistan oblysyndaǵy Keles aýdanynda qyryqqabat pisti

TÚRKІSTAN. QazAqparat – Kelestik sharýalar aldaǵy bir aptada qyryqqabattan alǵashqy ónimdi ala bastaıdy, dep habarlaıdy QazAqparat tilshisi.

Keles aýdanynyń Ushqyn aýyldyq okrýginde ornalasqan aýyl sharýashylyǵy óndiristik kooperatıvi bıyl 100 gektarǵa qyryqqabat, 40 gektarǵa baıaldy (baklajan), 20 gektarǵa bolgar buryshyn ekken bolatyn. Aldaǵy aptada sharýalar qyryqqabattan ónim jınaýdy bastaıdy. Jalpy jyldyq jospar boıynsha kooperatıvte 400 myń tonna qyryqqabat ónimin jınaý josparlanyp otyr.

«Kooperatıvke 700 adamnyń jer úles paıy biriktirilgen. Qazir 403 gektar jerdi tıimdi ıgerip otyrmyz. «Bir alqaptan jylyna 2-3 ret ónim alý» jobasy boıynsha jumys istep kelemiz. Ekinshi ónim retinde qyzanaq, bolgar buryshy men baıaldy egemiz, al úshinshi ónimge kúzdik qyryqqabat dánin otyrǵyzamyz. Kooperatıvtiń ereksheligi – egistik alqaby tamshylatyp sýarý ádisimen sýarylsa, tyńaıtqyshqa bıogýmýs paıdalanamyz» - deıdi kooperatıv tóraǵasy Berik Salıev.