Túrkistan oblysyndaǵy ındýstrıaldy aımaqtardyń 70 paıyzynda jaǵdaı múshkil
TÚRKІSTAN. QazAqparat - Túrkistan oblysyndaǵy ındýstrıaldy aımaqtardyń 70 paıyzynda jaǵdaı múshkil, dep habarlaıdy QazAqparat tilshisi.
Bul týraly Túrkistan oblystyq ınvestıtsııa jáne eksport basqarmasynyń basshysy Qaırat Ázimov aıtyp ótti.
Máselen, Báıdibek aýdanyndaǵy ındýstrıaldy aımaqtaǵy 8 transformatordyń úsheýi izim-qaıym joǵalyp ketken. Al, Túrkistanda kanalızatsııa men sý qubyrlarynyń qoldaný qolaısyz. Kentaýdaǵy ındýstrıaldy aımaqtyń qorshaýlary nashar.
- Jumysy jaqsy jolǵa qoıylǵan ındýstrıaldy aımaqtar da bar. Máselen, Sozaq aýdanynda 3 zaýyt ornalasty. Qazir onyń ekeýi turaqty jumys istep jatyr. Ýran óndiretin kásiporyndarǵa qosymsha buıymdar shyǵaryp jatyr. Olar elektr energııasyn arzandatyp berýdi suraýda. Biz bul baǵytta jumys istep jatyrmyz- dedi Qaırat Ázimov.
Jalpy Túrkistan oblysynda aýdany 698 ga bolatyn 9 ındýstrıaldyq aımaq qurylǵan bolatyn. Qajetti ınfraqurylymdy júrgizýge bıýdjetten 8 mlrd teńgege jýyq qarajat bólindi.
