Túrkistan oblysyndaǵy etnomádenı birlestikter arasynda spartakıada ótti
TÚRKІSTAN. QazAqparat - Túrkistan oblysyndaǵy etnomádenı birlestikter arasynda spartakıada ótti. Saıysqa qatysqan bes komanda músheleri shaǵyn fýtbol, stol tennısi, shahmat, qashyqtyqqa júgirý, doıby syndy sporttyń bes túrinen synǵa tústi, dep habarlaıdy QazAqparat tilshisi.
Spartakıadanyń ashylý saltanatynda Túrkistan oblystyq Qazaqstan halqy Assambleıasy hatshylyǵy meńgerýshisiniń mindetin atqarýshy Madına Kamedenova sóz sóılep, barsha qatysýshylarǵa sáttilik tiledi. Óńirdegi etnostardyń dostyǵyn, berekeli birligin odan ári nyǵaıtýda mundaı sharalardyń mańyzy zor ekendigine toqtaldy. Oblys ákimi apparatynyń qoǵamdyq kelisim KMM basshysynyń mindetin atqarýshy Zańǵar Úsipahmetov spartakıadany uıymdastyrýdaǵy maqsat ulttar arasyndaǵy tatýlyqty dáripteý ekendigin, aldaǵy ýaqytta osyndaı is-sharalar jalǵasyn taba beretindigin aıtyp ótti.
Asa tartysty ótken saıys nátıjesinde bas júlde Túrkistan qalasynyń komandasyna buıyrdy. Birinshi oryndy oblystyq ózbek etnomádenı birlestigi ıelense, ekinshi orynǵa Saıram aýdanynyń komandasy mise tutty. Al, úshinshi oryn túrik etnomádenı birlestigine berildi.
Jarys jeńimpazdary men júldegerleri qarjylaı syılyqqa ıe boldy.
