Túrkistan oblysyndaǵy epıdemıologııalyq ahýal turaqty
TÚRKІSTAN. QazAqparat - Ázirge Túrkistan oblysyndaǵy epıdemıologııa ahýal turaqty, blokpostar qoıylmaıdy. Bul týraly Óńirlik kommýnıkatsııalar qyzmetinde ótken brıfıngte oblystyń bas sanıtıtarııalyq dárigeri Nurbek Nyshanov aıtty, dep habarlaıdy QazAqparat tilshisi.
Onyń aıtýynsha, Túrkistan oblysynda jeke azamattardyń toı-merekelerdi atap ótýi tolastar emes. Sondyqtan pandemııa ýaqytynda oblys turǵyndaryn jalpyǵa ortaq tártipti saqtaýǵa shaqyrdy.
«Jańadan qabyldanǵan qaýlyǵa sáıkes, 3 qarashadan bastap oblys aýmaǵyndaǵy mal bazarlary sanıtarııalyq-dezınfektsııalyq rejımdi kúsheıtip, 30%-dan asyrmaı toltyrýmen, aptanyń jumys kúnderi jumys isteýine ruqsat etildi. Túrkistan oblysy boıynsha 31 mal bazar bar. Olardyń ishinde qazirgi tańda 3 jabyq (JK «Nursultan», PK «Sýltan», «Aljan-Agro» JShS). «Infokazakhstan» saıtyna mal bazarlardan ashylýǵa 16 ótinish tústi, onyń 7 qaralyp, 4 - jumys isteýge ruqsat berildi (Qazyǵurt, Ordabasy, Keles, Tólebı), 3 - qaıtaryldy, 9- qaralýda», - dedi oblystyń bas sanıtıtarııalyq dárigeri
Mal bazarlardyń qyzmetine tyıym salynǵan kezinde Túlkibas aýdany, Mashat aýylynda ornalasqan «Et ónimderi KZ» JShS-ne qarasty mal bazary aǵymdaǵy jyldyń 7 jáne 21-qazan kúnderi karantın talaptaryn buzǵany úshin zańdy tulǵaǵa 230 AEK kóleminde 2 aıyppul salynǵan.
