Túrkistan oblysyndaǵy elektr energııasynyń óshýi: Qalypqa keltirý jumystary jalǵasady
TÚRKІSTAN. QazAqparat – 13 naýryzda túni boıy elektrmen qamtamasyz etý jumystary júrgizilip, 14 naýryzda tańǵy saǵat 8-den bastap oblystyń toraptyq qosalqy stantsııalaryna kerneý berý bastaldy. Al 14 naýryzda tańǵy saǵat 8-den bastap oblystyń toraptyq qosalqy stantsııalaryna kerneý berý bastaldy. Qalypqa keltirý jumystary avarııa saldaryn tolyq joıǵanǵa deıin jalǵasady, dep habarlaıdy QazAqparat.
«13 naýryzda saǵat 10:15-ten bastap dúleı tabıǵı qubylystardyń (muzdy jańbyr,qatty ekpindi jel 28-30 m/s, elektr berý jelileri symdarynyń muzdanýy) áserinen elektr berý jelileri tirekteriniń qulaýy oryn aldy.Osyǵan baılanysty Túrkistan oblysynyń elektr jelilerinde óshý oryn aldy.
Oblystyń úsh aýdanynda (Otyrar,Báıdibek, Ordabasy) jáne Túrkistan qalasy men Kentaý qalasynyń mańynda tutynýshylar elektr qýatynsyz qaldy.
Barlyq kúshter jumyldyryldy, jumystar túni boıy júrgizildi jáne 14 naýryzda tańǵy saǵat 8-den bastap oblystyń toraptyq qosalqy stantsııalaryna kerneý berý bastaldy», dep habarlady Energetıka mınıstrliginiń Atomdyq jáne energetıkalyq qadaǵalaý men baqylaý komıteti.
Qalypqa keltirý jumystary avarııa saldaryn tolyq joıǵanǵa deıin jalǵasady.
Qazaqstan Respýblıkasy Energetıka mınıstrliginiń Atomdyq jáne energetıkalyq qadaǵalaý men baqylaý komıteti Túrkistan oblysynyń ákimdigimen birlesip Túrkistan oblysynyń tutynýshylaryn energııamen jabdyqtaýdy qalpyna keltirýge monıtorıngti júzege asyrady.
