Túrkistan oblysyndaǵy eki aýyldyń aýyzsý máselesi sheshildi

TÚRKІSTAN. QazAqparat – Báıdibek aýdanynyń eldi mekenderine aýyzsý berildi, dep habarlaıdy QazAqparat ákimdikke silteme jasap.

El Táýelsizdiginiń 30 jyldyǵyna oraı, «Nur Otan» partııasynyń saılaýaldy baǵdarlamasy aıasynda Báıdibek aýdanynyń Almaly jáne Alǵabas eldi mekenderinde taza aýyz máselesi sheshimin tapty.

Kóp jyldan beri qudyqtan sý iship kelgen qos aýyldyń 200-den asa januıasy endi taza, tabıǵı aýyz sýdy paıdalanatyn bolady. Aıta keterlik jaıt, buǵan deıin aýdandaǵy 52 eldi mekenniń 41-ne ortalyqtandyrylǵan aýyz sý qubyrlary júrgizilgen. Búgingi jańadan paıdalanýǵa berilgen Almaly men Alǵabasty qosqanda 43 eldi meken taza aýyz sýdy tutynyp otyr. Bul aýdan turǵyndarynyń 82,7 paıyzyn quraıdy.