Túrkistan oblysyndaǵy boran: 15 eldi mekenge elektr energııasy berildi
TÚRKІSTAN. QazAqparat – Túrkistan oblysynda aýa raıynyń kúrt qubylýynan 44 eldi mekende elektr jelileri úzilip, jaryq sónip qalǵan bolatyn. Qazirgi kezde 15 eldi mekenge elektr energııasy berildi, dep habarlaıdy QazAqparat tilshisi.
«Ońtústik Jaryq Tranzıt» JShS úzilgen jelilerdi jóndeý-qalpyna keltirý jumystaryn júrgizip jatyr. Jalpy 12 brıgadada 52 jumysshy jáne 13 tehnıka jumyldyrylǵan.
Osy ýaqyttaǵy jaǵdaı boıynsha 44 eldi mekenniń 29-ynda jaryq áli de joq. Olar: Báıdibek aýdanyndaǵy – 1647, Sozaq aýdanyndaǵy – 935, Saıram aýdanyndaǵy – 7000, Tólebı aýdanyndaǵy – 4878, Túrkistan qalasyndaǵy – 300 abonent.
Aıta keteıik, saǵat 18:10 bastap aýa raıynyń jaqsarýyna baılanysty «Jambyl oblysynyń shekarasy-Qumkent-Sholaqqorǵan-Aşysaı KH-190» oblystyq avtojolynda kóliktiń barlyq túrleri úshin qozǵalys ashyldy.
Eske sala keteıik, buǵan deıin Túrkistan oblysynda qatty boran saldarynan Túrkistan qalasy men 8 aýdanda elektr jelileri úzilip, 44 eldi meken turǵyndary jaryqsyz qalǵan edi.
Sondaı-aq Túrkistan oblysynda «Qorǵas-Almaty-Taraz-Shymkent-Tashkent» respýblıkalyq mańyzy bar jol kóliktiń barlyq túri úshin jabyldy.
Budan bólek, irgeles ornalasqan Shymkent qalasynda 23 baǵyt boıynsha elektr energııasyn berý toqtatyldy. Mektepter onlaın oqýǵa aýystyryldy.
