Túrkistan oblysyndaǵy blokposttarda psıhologtar men eriktiler arnaıy trenıngter ótkizdi
Semınar-trenıngter blokposttaǵy qyzmetkerlerdiń eńselerin kóterýge, qıyndyqtardy jeńip, azamattarmen jumys atqarýǵa baǵyttaldy. Al, Polıtsııa departamentiniń psıhologtary azamattarmen qarym-qatynas daǵdylaryn qalyptastyrý, sharshaýdyń aldyn alý joldary jaıly aıtty. Keleńsiz jaǵdaılardy bastan ótkergen mezettegi kóńil-kúıdi baqylaýda ustaý týraly keńes berdi. Trenıngte kóńil-kúıge, júırik oılaý, este saqtaý jáne jyldamdyqqa, shydamdylyqqa qatysty túrli saıystar uıymdastyryldy. Bul jattyǵýlar beketterdegi qyzmetkerlerdiń jumysqa degen qulshynysyn arttyryp, turǵyndarǵa sypaıy qarym-qatynas úlgisin kórsetýge jáne kúızelisten arylýǵa septigin tıgizdi. Psıhologtardyń trenıngine qatysqan qyzmetkerler jaǵymdy áser alyp, alǵystaryn jetkizdi.
«Polıtseılerge de psıholog keńesi qajet. Óıtkeni, qyzmetteri aýyr, adamnyń júıkesine áser etedi. Tynyshtyq kúzetinde júrgenderge turaqty túrde trenıngter ótkiziledi. Mundaı trenıng kezdesýler túrli jaǵdaılarda durys sheshim tabýǵa kómektesedi. Tártip saqshylary kez kelgen jerde halyqpen tez til tabysa bilýi mańyzdy ekenin túsindiremiz. Trenıngtiń nátıjesi óte jaqsy, qyzmetkerlerdiń kásibı sheberligi men jumys sapasy artady, buqaramen senimdi baılanys ornaıdy», - deıdi Túrkistan oblysy PD-niń psıhologtary.
Іs-shara barysynda eriktiler men belsendi jastar blokposttardan kirip jatqan árbir jolaýshylarmen sóılesip, hal-jaǵdaılaryn bilýge tyrysty. Osyndaı qıyn shaqta sabyrlyq saqtaýǵa shaqyryp, qaýipsizdik sharalaryn ustanýǵa keńes berdi.
