Túrkistan oblysyndaǵy blokpostta turǵan eki polıtseıdi stýdent qaǵyp ketti
TÚRKІSTAN. QazAqparat – Túrkistan oblysyndaǵy blokpostta turǵan eki polıtseıdi bir stýdent qaǵyp ketti. Saldarynan túrli dene jaraqatyn alǵan eki tártip saqshysy aýrýhanaǵa tústi, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, oqys oqıǵa 10 mamyr kúni Shymkent qalasyna kire beriste blokpostta oryn alǵan.
«Aqtas» blok-beketinde «VAZ-21014» avtokóliginiń júrgizýshisi polıtsııa qyzmetkerleriniń zańdy talaptaryna baǵynbaı, olardy qaǵyp ketken. Kólik tizgindegen stýdent jigit ustaldy. Ol Qazyǵurt aýdanynyń turǵyny bolyp shyqty. Qazirgi ýaqytta kúdiktige qatysty sotqa deıingi tergeý amaldary júrgizilýde. Birqatar saraptamalar taǵaıyndalyp, oqıǵanyń tolyq mán-jaıy anyqtalýda», delingen habarlamada. Al, aýrýhanaǵa túsken eki polıtseıge diń jaǵdaıyn dárigerler qanaǵattanarlyq dep otyr. Qazirgi tańda olarǵa medıtsınalyq kómek kórsetilip, aýrýhanadan shyǵarylǵan.
Eske sala ketsek , buǵan deıin ileýmettik jelilerde eki polıtseıdi blokpostta qaǵyp ketkeni týraly beınekórinis jarııalanǵan bolatyn. Ony túsirgen turǵyndar bul oqıǵanyń Shymkentten shyǵa beristegi «Aqtas» eldi mekeniniń tusynda bolǵanyn aıtqan edi.
