Túrkistan oblysyndaǵy bir aýdan 100 paıyz gazben qamtylmaq
Túlkibas aýdany halyq sanyna shaqqanda 99,9 paıyz tabıǵı gazben qamtamasyz etilgen. Bıyl kóp jyldan beri sheshimin tappaı kelgen aýdan ortalyǵynan shalǵaı ornalasqan Túlkibas kentine qarasty Iirsý eldi mekenine gaz qubyryn tartý jumystary bastaldy. Nysannyń qurylys jumystary kelesi jylǵa ótpeli. Bul jumystar aıaqtalǵan jaǵdaıda aýdan elimizdegi tabıǵı otynmen 100 paıyz qamtamasyz etilgen alǵashqy aýdandardyń qataryna eńbek. Bul jaıynda aýdan ákimi Nurlan Marhabatuly Túlkibas kentiniń turǵyndarymen kezdesýinde málimdedi.
Aǵymdaǵy jyldyń 9 aı qorytyndysymen Túlkibas kentinde aýqymdy jumystar júzege asqan. Atap aıtqanda, turǵyndar ótinishine sáıkes, aýdan ákiminiń tapsyrmasymen kent ortalyǵyndaǵy B.Momyshuly saıabaǵynda zamanaýı balalar oıyn alańshasy men strıt-vorkaýt boı kótergen. Eldi meken sheginen 36,6 ga jerge ınfraqurylym tartý jumystary júzege asqan. Naqty aıtqanda aýyz sý, káriz júıesi jáne elektr jelisi tolyǵymen tartylǵan. Atalǵan aýmaq 10 kópqabatty turǵyn úı, 146 jeke úı jáne áleýmettik mańyzy bar nysandar salýǵa eseptelgen.
