Túrkistan oblysyndaǵy balabaqshany sý alyp ketti
NUR-SULTAN. QazAqparat - Tótenshe oqıǵaǵa qatty jańbyr sebep bolǵan, dep habarlaıdy QazAqparat tilshisi.
«Túrkistan oblysynyń Qazyǵurt aýdany Qydyr Mámbetuly aýylynda saǵat 15.45 kezinde qatty jańbyrdan keıin 10 aýla ýchaskesi men 4 jeke turǵyn úıdi, sondaı-aq bir balabaqshany sý alyp ketken. Nysandardaǵy sý deńgeıi shamamen 5 santımetrge jetip, oqıǵa ornyna TJD qyzmetkerleri arnaıy qurylǵylarmen sýdy soryp, syrtqa shyǵarý jumystaryn júrgizdi. Zardap shekkender men jaraqat alǵandar joq», - dedi Іshki ister mınıstrliginde ótken baspasóz máslıhatynda QR ІІM Tótenshe jaǵdaılar komıtetiniń tóraǵasy Vladımır Bekker.
Eske sala ketsek, qatty jańbyr saldarynan Shyǵys Qazaqstanda keshe eki aýdanda jańbyrdyń saldarynan birneshe úıdi sý alyp ketken bolatyn.
