Túrkistan oblysyndaǵy avtogaz ben dızel tapshylyǵy bir-eki kúnde sheshimin tabady - ákimdik

TÚRKІSTAN. QazAqparat- Túrkistan oblysyndaǵy gaz tapshylyǵy bir-eki kúnde sheshimin tabady. Bul týraly Túrkistan oblystyq energetıka jáne turǵyn úı-kommýnaldyq sharýashylyq basqarmasynyń bólim basshysy Qýanysh Ómirálıev málimdedi, dep habarlaıdy QazAqparat tilshisi.

Búginde túrkistandyqtar avtogaz ben dızel otynynyń tapshylyǵyn kórip otyr.

Kóptegen janarmaı quıý beketterinde gaz joq. Al, jumys istep turǵan, gaz qory bar beketterde júrgizýshiler kezekke turýǵa májbúr.

Onda da tek arnaıy shekteýlermen ǵana satyp ala alady.

Ásirese, egin naýqany bastalǵan tusta dıqandar dızel tappaı qınalyp otyr.

Al, mamandar bul másele kóp uzamaı óz sheshimin tabady deıdi.

Túrkistan oblystyq energetıka jáne TÚKSh basqarmasynyń bólim basshysy Qýanysh Ómirálıevtiń sózinshe, Aqtóbeden 2 myń tonna gaz tıelgen kólikter jolǵa shyqqan.

Erteń Túrkistanǵa jetýi tıis. Al, qalǵany jóndeý jumystarynan ótken ShNOS arqyly berilmek.