Túrkistan oblysyndaǵy aýrýhanalarǵa 142 myń qorap dári úlestirilip jatyr
TÚRKІSTAN. QazAqparat – Túrkistan oblysynyń ákimi Ómirzaq Shókeevtiń Ózbekstan Respýblıkasymen tikeleı kelisiminiń nátıjesinde kórshi elden 142 myń qorap dári-dármek keldi. Búgin bul naýqastarǵa asa qajet dáriler oblys aýmaǵyndaǵy barlyq aýrýhanalar men emhanalarǵa taratylmaq, dep habarlaıdy QazAqparat tilshisi.
Kórshi elden tasymaldanǵan preparattardyń arasynda askorbın qyshqyly men deksametozon jáne geparın syndy halyq arasynda asa tapshy dáriler bar. Medıtsınalyq mekemege tasymaldanatyn dárilerdiń ár qutysyna «tegin» degen qyzyl mór qoıylady. ıAǵnı mundaı dárilerdi ózge jerden keziktirgen azamat jergilikti ákimdikke shaǵymdana alady.
Sonymen qatar, óńirge oblys ákiminiń kelisimine sáıkes Túrkııadan 41 túrli dári qory jetkiziledi. Olardyń qatarynda naýqastarǵa arnalǵan antıbıotıkter, vırýsqa qarsy preparattar men dene qyzýyn túsiretin antıkoagýlıanttar bar.
Atalǵan dáriler aldaǵy apta oblystaǵy 160-qa jýyq dárihanaǵa shekti baǵamen úlestiriledi.
Dárihanalar men ákimdik arasyndaǵy memorandýmǵa oraı, olar dári-dármekti QR Densaýlyq mınıstrligi bekitken shekti baǵamen satady. Zańdylyqtyń saqtalýyn arnaıy monıtorıng toby baqylaıdy.
Sondaı-aq, antıbıotıkter tek dárigerdiń nusqaýymen berilip, bir adamǵa eki qoraptan artyq satylmaıdy.
