Túrkistan oblysyndaǵy ákimshilik ǵımarattardyń qurylysyn aıaqtaýǵa 3,2 mlrd teńge jumsalady
Bul jaıynda Ulttyq ekonomıka mınıstrliginiń 2023-2025 jyldarǵa arnalǵan bıýdjeti týraly anyqtamada aıtylǵan.
Jalpy mınıstrlik óńirlerdiń áleýmettik-ekonomıkalyq áleýetin damytý úshin 3 jylda 237,7 mlrd teńge bólýdi kózdep otyr. Onyń:
- 96 mlrd teńgesi «Aýyl - el besigi» jobasy aıasynda aýyldyq eldi mekenderde áleýmettik jáne ınjenerlik ınfraqurylym jobalaryn iske asyrýǵa;
- 42,1 mlrd teńgesi oblys ortalyqtarynda ınjenerlik kommýnıkatsııalar júrgizý jobalaryn iske asyrýǵa;
- 41,5 mlrd teńgesi Almaty, Astana jáne Shymkent qalalarynyń, Aqmola oblysynyń shetki aýmaqtarynda áleýmettik jáne ınjenerlik ınfraqurylymdy damytýǵa arnalǵan jobalardy iske asyrýǵa;.
- 35 mlrd teńgesi monoqalalar men shaǵyn qalalarda ınfraqurylymdyq jobalardy iske asyrýǵa;
- 20 mlrd teńgesi «Dıplommen aýylǵa» jobasyna;
- 3,2 mlrd teńgesi Túrkistan oblysynda memlekettik mekemelerdiń ákimshilik ǵımarattarynyń qurylysyn aıaqtaýǵa baǵyttalmaq.
Anyqtamaǵa súıensek, Túrkistan oblysynda memlekettik mekemelerdiń ákimshilik ǵımarattaryn salyp bitirý bıylǵa josparlanyp otyr.
Qarajattyń 2,1 mlrd teńgesi Ulttaq qordan, qalǵan bóligi respýblıkalyq bıýdjetten bólinbek.
