Túrkistan oblysyndaǵy 5 aýyl gazǵa qosyldy

TÚRKІSTAN. QazAqparat - Túrkistan oblysy, Saıram aýdanynda tabıǵı gaz qosylǵan eldi mekender sany artty. Bul týraly QazAqparat ákimdikke silteme jasap habarlaıdy.

Búgin aýdandaǵy 16 eldimekenniń beseýi tabıǵı gazben qamtyldy.

Qaınarbulaq aýyldyq okrýgi Qasymbek datqa eldimekenine aýdan ákimi Ulasbek Sádibekuly arnaıy baryp, gaz qubyryn iske qosý sharasyna qatysty.

Endi Qasymbek datqa, Ásilaryq, Oshaqty, Orazalıev, Tespe aýyldarynyń turǵyndaryna kógildir otyn berildi. Aýdan ákimdigi men «Intergaz Ortalyq Azııa» AQ Shymkent fılıaly arasynda gaz júıelerine tehnıkalyq qyzmet kórsetý úshin kelisimshart túzildi.

Aıta keteıik, Saıram aýdany 2025 jylǵa deıin 100 paıyz tabıǵı gazben qamtylady.