Túrkistan oblysyndaǵy 23 eldi meken gazsyz qaldy
«Aımaqtaǵy jaryq berýshi «Enerdjı servıs» kompanııa qyzmetkerleri jeliler tartý maqsatynda jer qazý jumystaryn júrgizgen. Alaıda bul jumystardy júrgiziletindigi jóninde gaz taratýshy mekemege eskertpegen. Osy jer qazý kezinde dıametri 400 mm bolatyn joǵary qysymdy gaz qubyryna zaqym kelgen. Artynsha mamandar elektr tireýishterin ornatý úshin burǵylaý jumystaryn júrgizgenin aıtqan. Nátıjesinde aýdandaǵy 2810 úı men 17 kommýnaldy turmystyq kásiporynǵa, 7 kásipkerlik nysanǵa kógildir otyn beretin gaz qubyryna zııan kelgen. Qazirgi kezde tıisti mamandar avarııany aldyn aldy»,- delingen habarlamada.
Aıta keteıik, gaz qubyry Turǵyn úı-kommýnaldyq sharýashylyq basqarmasynyń balansynda tur. Sondyqtan turǵyn úılerge qashan berile bastaıtyndyǵyn basqarma sheshedi.
Sondaı-aq, mekeme árbir úıge gaz berý úshin biraz ýaqyt ketetindigin eskertýde.
