Túrkistan oblysyndaǵy 178 aýyldyq eldi mekende ınternet joq

TÚRKІSTAN. QazAqparat - Túrkistan oblysyndaǵy 178 aýyldyq eldi mekende ınternet joq. Bul týraly oblystyq qoǵamdyq keńes otyrysynda tsıfrlandyrý, memlekettik qyzmetter kórsetý jáne arhıvter basqarmasynyń basshysy Áset Ábdirahanov málimdedi, dep habarlaıdy QazAqparat tilshisi.

Túrkistan oblysy aýmaǵynda jalpy 833 eldi meken bar. Onyń 826-sy aýyldyq eldi meken bolsa, 7-ýi qala.

Búginde 655 aýyldyq eldi mekendegi 2 000 000 jýyq turǵyn 3G jáne 4G mobıldi ınternet jelisimen qamtylǵan. Al, qalǵan 150 000 jýyq turǵyny bar 178 aýyldyq eldi mekende ınternet joq. Sonyń ishinde 62-inde baılanys múldem ornatylmaǵan.

«Atalǵan 62 eldi mekenniń 43-shi mınıstrlik aıqyndaǵan krıterıılerge sáıkes kelmeýine baılanysty uıaly baılanys operatorlary bazalyq stantsııa ornatýdan bas tartýda. ıAǵnı, aýylda halyq sany 250-den asýy qajet. Qalǵan 19 eldi mekendi aldaǵy jyldarǵa uıaly baılanys operatorlarynyń lıtsenzııalyq mindettemelerine engizý pysyqtalyp jatyr. Jalpy Túrkistan oblysy boıynsha sapaly ınternetpen qamtýdy qajet etetin 135 aýyldyq eldi meken bar» - dedi Áset Ábdirahanov.

Aıta keteıik, Túrkistan oblysy boıynsha jyldyń basynan beri óńirlik baılanys ınspektsııa tarapynan 30 aýyldyq eldi mekende jospardan tys tekserý jumystary júrgizilip, 7 aýyl boıynsha uıaly baılanys operatorlaryna aıyppul salynǵan jáne 5 eldi meken boıynsha ınternet baılanysyn qalpyna keltirý boıynsha nusqama berilgen.