Túrkistan oblysyndaǵy 160-qa jýyq aýyl erekshe damytylmaq
Elbasymyz, «Nur Otan» partııasynyń kezekti XVIII sezinde «Aýyl - el besigi» jobasyn júzege asyrýǵa 90 mlrd teńge bólýdi tapsyrdy. Osyǵan oraı, Qazaqstan Respýblıkasynyń Ulttyq ekonomıka mınıstrligi tarapynan respýblıka boıynsha jalpy 1753 perspektıvti eldi mekenniń tizbesi anyqtalyp, onyń ishinde Túrkistan oblysynan 159 eldi meken enip otyr. Bul týraly Túrkistan qalasynda «Nur Otan» partııasy oblystyq fılıalynyń kezekten tys HHHVIII konferentsııasynda oblys ákiminiń orynbasary Erbol Sadyr aıtty.
«Nur Otan» partııasy uıymdastyrǵan konferentsııaǵa Partııa tóraǵasynyń birinshi orynbasary N.Joldasov pen oblystyq máslıhat hatshysy Q.Balabıev pen máslıhat depýtattary jáne bastaýysh partııa uıymdary men «Jas Otan» Jastar qanatynyń músheleri, buqaralyq aqparat quraldarynyń ókilderi qatysty.
Jıyn barysynda Partııa Tóraǵasy N.Nazarbaevtyń partııanyń kezekti XVIII Sezinde bergen tapsyrmalaryn - «Halyqqa kómek», «Baqytty otbasy», «Aýyl - el besigi», «Qutty meken» ulttyq jobalaryn iske asyrý barysy men «Nur Otan» partııasynyń kezekti HІH Sezine delegattaryn saılaý týraly máseleler qaraldy.
Baıandama barysynda oblys ákimniń orynbasary Erbol Sadyr Partııa sezinde usynylǵan «Baqytty otbasyn» júzege asyrý týraly mindet júktelgenin aıtyp. Osy baǵytta «Nur Otan» partıııasynyń oblystyq fılıalalymen birlesip, kópbalaly otbasylarǵa qoldaý kórsetý sharalaryn jandandyrý kerektigin aıtty.
«Partııa sezinde «Baqytty otbasy», «Halyqqa kómek», «Aýyl - el besigi» jáne «Qutty meken» jobalar usynylǵan bolatyn. Búginde ol baǵytta jumystar bastalyp ketti. Bul jobalarda eldiń áleýmettik jaǵdaıyn kóterý, óńirlerdi damytý, iri qalalardan bastap, eldi mekenderdi túletý sharalary qamtylǵan. 2019 jyly oblysymyzda joba aıasynda is-sharalardy iske asyrý úshin respýblıkalyq bıýdjetten 3 669,4 mln teńge bólinip, oblys boıynsha 6 eldi meken: Báıdibek aýdany Báıdibek ata eldi mekeni, Qazyǵurt aýdany Qyzylqııa eldi mekeni, Otyrar aýdany Qoǵam eldi mekeni, Saryaǵash aýdany Bereke eldi mekeni, Keles aýdany Abaı jáne Kentaý qalasy Yntymaq eldi mekenderin qarjylandyrý josparlanýda» , - dedi E.Sadyr.
Jıynda 23 sáýir kúni Nur-Sultan qalasynda ótetin «Nur Otan» partııasynyń kezekti HІH Sezine qatysýshy delegattar saılandy.
